Zonja e Parë e Brazilit, Marcela Temer u hodh në një liqen të parkut të pallatit presidencial për të shpëtuar qenin e saj duke shkaktuar një lumë talljesh në rrjetet sociale.
Ish-mbretëresha e bukurisë, 34 vjeçe, u hodh në liqen kur pa Pikolinë, ”Jack Russell”-in e saj që nuk po arrinte të dilte, pasi kishte hyrë në ujë në ndjekje të rosave.
Incidenti mendohet të ketë ndodhur më 22 prill në Brazilia, por sapo është publikuar, raporton ata.
Të hënën në mbrëmje, ai u bë një prej çështjeve më të komentuara në Facebook, Twitter apo YouTube.
Michel Temer konsiderohet si një prej presidentëve më të urryer të Brazilit, çka ka detyruar blogerin e majtë, Leonardo Stoppa të theksojë se Marcela ishte përpjekur të shpëtonte rosakun, pasi ai ishte “një prej mbështetësve të Temerit”.
Një tjetër përdorues i internetit, Jose Simao ka postuar në Twitter “Qeni i Marcelas ka bërë një tentativë vetëvrasjeje, sepse nuk mund të duronte më Temerin!”, një president i prekur nga hetimet për korrupsion, shpesh i karikaturuar si vampir dhe që ka 43 vite diferencë me bashkëshorten e tij.
a.ç
