Gruaja e zëdhënësit të Kremlinit, Dimitry Peskov është filmuar duke festuar me muzikë greke në Turqi.
Video e bërë publike në rrjetet sociale, ngjalli reagime të shumta në Greqi pasi nuk kishte asnjë të dhënë se Tatiana Navka ndodhej me pushime në shtetin fqinj.
Por sipas televizionit “Alpha”, pavarësisht se ajo është filmuar duke festuar me muzikë greke dhe duke thyer pjata, ajo ndodhet në Marmara të Turqisë.
Thyerja e pjatave është një traditë e restorantit luksoz ku ajo ndodhet, ndërsa në sfond dëgjohet muzika karakteristike greke “Zobra”.
Tatiana Navka, si shtetase e Rusisë, nuk mund të ishte në Greqi pasi asaj i mohohet hyrja në vendet e Shengenit, si të gjithë rusëve, për shkak të sanksioneve që i janë vendosur vendit pas pushtimit të Ukrainës.
Këtë e bëri të ditur të dielën edhe Ministria e Mbrojtjes së Qytetarëve në Greqi, duke mohuar zërat fillestarë se ajo ndodhej në Greqi, gjë që kishte shkaktuar edhe reagime nga ukrainasit.
g.kosovari
