Dispanseria, qendra e vetme shëndetësore me shërbim të specializuar ambulator për të gjithë të sëmurët me probleme në mushkëri në Tiranë, po kryhen këto ditë rreth 100 ekzaminime imazherike në ditë dhe shumë më tepër se kaq vizita e kontrolle laboratorike. Infeksionet respiratore sipas drejtoreshës së kësaj qendre po shoqërohen me probleme të forta shëndetësore për të sëmurët kronikë dhe ata me sëmundje obstruktive të mushkërive.
Infeksionet respiratore të shkaktuara nga gripi dhe virozat po shoqërohen në shumë raste me komplikacione në rrugët e frymëmarrjes duke bërë që pacientët përveç trajtimit simptomaktik nga mjekët e familjes për disa ditë , të kërkojnë edhe terapinë e mjekut specialist përmes ekzaminimeve shtesë.
“Pacienti pas kontaktit me mjekun e familjes ku dhe mund të jetë trajtuar për pak ditë për simptomat që ka paraqitur, ka raste që agravojnë me kollë, sekrecione purulente , diku me dispne ( vështirësi në frymëmarrje ). Janë pacientë me temperaturë persistente prej 5-6 ditësh që drejtohen për ekzaminime imazherike për të evidentuar problemet nëse ka prekje të traktit respirator të poshtëm apo të sipërm. Fluksi i pacientëve të tillë është në rritje çdo ditë. Grup moshat më të prekura janë ato mbi 65 vjeç, kryesisht të sëmurë kronikë”, u shpreh Entela Nako, Drejtore e dispanserisë.
Dispanseria, qendra e vetme shëndetësore me shërbim të specializuar ambulator për të gjithë të sëmurët me probleme në mushkëri në Tiranë, po kryhen këto ditë rreth 100 ekzaminime imazherike në ditë dhe më tepër se kaq vizita e kontrolle laboratorike. Drejtoresha e kësaj qendre thotë se aktualisht po trajtohen:
“Raste të tilla si laringjite, bronkolite akute apo kronike, acarim të pacientëve me sëmundje obstruktive të mushkërive dhe të astmës bronkiale. Sidomos pacientët më “SPOK“ janë rënduar shumë gjatë këtyre javëve. Shpesh herë lind edhe nevoja e trajtimit me antibiotikë dhe me kortizonikë”, tha ajo.
Mjekja këshillon që këta të sëmurë të vaksinohen ndaj gripit:
“Së pari duhet të bëjnë vaksinën antigrip, të ndjekin këshillat e mjekëve dhe të ndihmojnë veten me sa më shumë lëngje”, u shpreh Nako.
Mjekët e dispanserisë shpesh përballen edhe me pacientë të vete diagnostikuar nëpër farmaci, ku gjendja e tyre për shkak të mjekimit të papërshtatshëm është përkeqësuar e për pasojë sëmundja ka përparuar dukë zgjatur në kohë trajtimin.
