Një kabinë elektrike në një pallat në rrugën “Vëllezërit Frashëri” ka pasur një shkëndijë elektrike ku si pasojë ka shkaktuar masë elektrike në nënstacionin elektrik në vendin e quajtur “Draçin”, duke shkaktuar edhe zjarr.
Si pasojë e zjarrit që ka përfshirë nënstacionin, flakët janë përhapur edhe në një magazinë aty pranë që ndodhej në pronësi të një 34-vjeçareje.
Kjo situatë ka sjellë ndërprerje të energjisë elektrike në pjesën më të madhe të qytetit prej disa minutash. Po punohet për riparimin e defektit
Njoftimi i policisë:
Rreth orës 11:30, dyshohet se për shkak të shkëndijës elektrike ka rënë zjarr në kabinën elektrike të një pallati në rrugën “Vëllezërit Frashëri”. Shkëndija në kabinë ka shkaktuar masë elektrike në nënstacionin elektrik në vendin e quajtur “Draçin”. Si pasojë, në nënstacion është ndezur zjarr dhe përhapja e flakëve ka shkaktuar zjarr dhe në magazinën në pronësi të shtetases R. L., 34 vjeçe, objekt që ndodhet në afërsi të nënstacionit. Nga zjarret ka vetëm dëme materiale.
Shërbimet e Policisë po bashkëpunojnë me zjarrfikësit, për të mundësuar shuarjen e zjarreve.
Ndërkaq, grupi hetimor, nën drejtimin e prokurorit, po heton për të dokumentuar shkaqet e këtyre rasteve.
