Tre gra janë filmuar në një përleshje me grushta në një supermarket, e gjitha kjo për disa letra higjienike.
Një përleshje tepër “e çuditshme” mësohet të ketë ndodhur në një prej supermarketeve në Chullora, Sidnei. Ulërima dëgjoheshin, ndërsa treshja përlesheshin me njëra tjetrën, në një incident i cili dukej sikur buronte nga një nënë dhe e bija e saj, të cilat po grumbullonin letra higjienike.
Lufta filloi kur një grua e tretë u përpoq të merrte një nga paketat e “çmuara” nga karroca, duke ndezur “betejën”.
E gjitha kjo vjen pasi dhjetëra mijëra australianë janë të detyruar të izolohen për shkak të frikës së koronavirusit, duke bërë që familjet e panikosura të blejnë ushqime dhe sende të domosdoshme.
