Dani Pedrosa ka fituar Çmimin e Madh të Malajzisë, ku emocionet ishin kryefjalë dhe lufta Rossi- Lorenzo u ngjit në skenë me të gjithë madhështinë e saj.
Një garë emocionuese u zhvillua në Malajzi, me surpriza dhe një episod i cili fton në debat të gjithë të apasionuarit e moto-sportit.
Drejtuesit e MOTO GP, kanë vendosur të dënojnë Rossin me një sanksion të paprecedent. “Doktori” do të niset i fundit në garën e fundit të këtij botërori, që do të zhvillohet në Spanjë, javën e ardhshme. Ky vendim ka lënë të shokuar pilotin italian dhe Yamahan, të cilët në mbrojtje të tyre deklaruan se spanjollët nuk zhvilluan garë të pastër, duke i hapur rrugën Lorenzos, teksa u kthye në një pengesë për Rossin, që për të mos dalë vetë nga pista u detyrua dhe kreu një gjest jo normal. Gjithësesi, fjalët i merr era dhe tashmë Rossit do t’i duhet një garë spektakolare për t’u shpallur kampion bote.
Gara nisi mjaft shpejtë, me Lorenzon, që humbi dy pozicione, teksa i rikuperoi ato menjëherë, pa u mbyllur qarkorja e parë. Gara vijoi me duelin Lorenzo-Rossi, ku spanjolli arriti të parakalojë lehtësisht jo vetëm “Doktorin”, por dhe bashkëkombasin Rafa Marquez. Ky i fundit, i cili nuk reagoi aspak pas kalimit të Lorenzos, u kthye në një murë betoni për Valentino Rossin.
Doktori tentoi të parakalojë spanjollin e Hondas, pas xhiros së tretë, por ky i fundit e shqetësoi jo pak Rossin, i cili përgjatë xhirove 4 deri në qarkoren e tetë, kur Rossi nervozohet dhe me këmbën e tij të majtë i prishi ekuilibrin Marquez që doli jashtë loje, duke u rrëzuar.
Gara pas këtij episodi ishte tensionuar në skuderitë respektive, Yammaha e Honda, por jo në garë, ku Dani Pedroza fitoi lehtësisht garën dhe Lorenzo e mbylli atë në vendin e dytë. Valentino Rossi arriti të dalë i treti, por tashmë pritet dhe vendimi i drejtuesve të Moto GP.
Tashmë botërori udhëhiqet nga Rosi me shtatë pikë diferencë me Lorenzon dhe gara e Spanjës, që do të zhvillohet javën e ardhshme do të jetë dhe shfaqja e fundit përpara shpalljes së kampionit të botës.
ATSH
