Terroristët që përgatitën bombat e shpërthyera në sulmet e Brukselit kishin marrë masa për t’i bërë ato sa më vdekjeprurëse. Në trupat e disa viktimave nga këto sulme janë konstatuar copa metalike të materialeve të ndryshme vida apo gozhdë.
Këto materiale metalike ishin vendosur te bombat për të rritur impaktin goditës dhe për të qenë sa më vdekjeprurëse. Konfirmimi vjen nga një prej mjekëve në sallën e operacionit në një prej spitaleve të Brukselit.
Edhe në bombën e pashpërthyer janë konstatuar copëza metalike, gozhdë dhe vida. Bombat e shpërthyera në Bruksel janë përgatitur në të njëjtën mënyrë me ato të sulmit terrorist në Boston të Shteteve të Bashkuara, gjatë maratonës sportive.
Edhe në atë kohë në trupat e viktimave dhe të plagosurve u konstatuan copëza metalike.
