Sekretarja për Komunikimin Digjital në Partinë Socialiste, Blerina Gjylameti ka reaguar në lidhje me raportin e komisionit të Venecias, publikuar dy ditë më parë për Presidentin e Republikës Ilir Meta.
Përmes një statusi në ‘Facebook’, ajo shprehet se presidenti shkeli të drejtën për të zgjedhur dhe Venecia nuk ka tjetër interpretim.
Sipas Gjylametit, dy oguret në pak ditë, vota e Bundestagut dhe raporti Venecias, konfirmojnë hapat drejt intergrimit europian dhe vazhdimin e Reformës në Drejtësi, për të cilat presidenti shqetësohet.
Në fund, Gjylameti shton se Meta duhet të mbajë fjalën dhe të jap dorëheqjen.
Statusi i plotë:
“Presidenti “unitetit kombëtarë” shkeli të drejtën për të zgjedhur.” Venecia nuk ka tjetër interpretim.
Zgjedhjet janë institucioni bazë i funksionimit të demokracisë. 30 Qershori mbetet data legjitime e zgjedhjes dhe zgjedhësve. Zgjedhja e opozitës jashtëparlamentare ishte një hap për ngeljen e tyre në klasë. 2021 është vjeshta e tyre për të ripërsëritur provimin. Presidenti tejkaloi kompetencat e tij duke privuar zgjedhësit me abuzimin e pseudoargumentit kushtetues, që sipas raportit kuptojmë, se ç’dekretimi i 30 Qershorit ka qenë veçse politikë. Dy oguret në pak ditë, vota e Bundestagut dhe raporti Venecias, konfirmojnë hapat drejt intergrimit europian dhe vazhdimin e Reformës në Drejtësi, që mesa duket Presidentin e shqetëson shumë. Shkelja e parimit të periodiocitetit, e theksuar vazhdimisht nga maxhoranca ishte dhe argumenti bazë ligjor dhe kushtetues që Venecia deklaron në raport. Procedura e shkarkimit te Presidentit thuhet në opinion, është proces ligjor dhe politik. Natyra e shkeljes e përligj shkarkimin e Presidentit. Integriteti i kostumit tani ka rënë në ullinë e një presidenti të bërë palë, nga i cili ne sot kërkojmë të mbaj fjalën për të dhënë dorëheqjen. Nga kush po e kërkojmë të mbaj fjalën? Kë fjalë ka mbajtur deri tani që ta mbaj sot? Nga ai që shkeli 30 Qershorin që e dekretoi vetë.
