Gjykata e Krimeve të Rënda ka caktuar masën e sigurisë “arrest me burg” për dy motrat nga Skrapari të akuzuara për shfrytëzim prostitucioni. E njëjta masë u vendos edhe për dy djemtë e tjerë arrestuar bashkë me motrat në pikën e Morinës, shtetasit Ardit Shmilli dhe Ledian Gjoni.
Ndërkohë, për taksistin Zamir Hodo që u arrestua me personat e përfshirë në rrjetin e trafikut u caktua masa “detyrim paraqitje”.
Gjykata i vlerësoi të mjaftueshme provat ndaj dy djemve dhe motrave Armonela dhe Ina Qama, 23 dhe 25 vjeçe, për veprimtairnë e jashtëligjshme.
Ata po tentonin të kalonin në pikën e Morinës dy vajza, me destinacion Gjermaninë ku do të ushtronin prostitucion. Ndërkohë, dy motrat mësohet se ushtronin edhe vet këtë veprimtari në një lokal tallava në Tiranë./a.m.
