Gjykata Speciale do të jetë e gatshme për të filluar punën në vjeshtë ndonëse tashmë çdo gjë është kryer nga ana e Kosovës, Shteteve të Bashkuara dhe Bashkimit Evropian.
Përfaqësuesi i lartë i BE-së për Kosovë, Samuel Zhbogar në Rubikon të KTV-së ka thënë se procesi është vonuar si pasojë e mos ratifikimit të marrëveshjes nga Holanda, për çka pret që do të bëhet shumë shpejtë.
“Është thjesht procedurë e Holandës që kërkon kaq shumë kohë, por do të jetë në vjeshtë siç na është thënë. Kur kjo të përfundojë, çdo gjë do të jetë në vend që gjykata të fillojë të funksionojë”, ka thënë ai.
Kush do të akuzohet dhe në sa do të shkoj numri i të akuzuarve nga kjo gjykatë sipas Zhbogar it është i njoftuar vetëm prokurori dhe stafi i tij.
“Mendoj se është më mirë ashtu, të qëndroj me prokurorin, i cili është i vetmi dhe stafi rreth tij, të cilët janë të vetmit që i dinë këto detaje”, ka thënë Zhbogar .
Sipas tij, me t’u ratifikuar marrëveshja, Gjykata mund të filloj punën ndonëse të gjitha kushtet janë plotësuar.
“Tani njoftimi për gjykatësit është publik, që të jenë në listën për kryetar të Dhomave të Gjykatës Speciale. Pra është mjaft strukturë e komplikuar, sigurisht çdo gjykatë është e komplikuar. Kështu që, kjo tani është duke vazhduar. Sapo gjykata të jetë vendosur, atëherë prokurori i ka të gjitha kushtet e vendosura që të dalë me aktakuzat”, përfundoi ai, citohet Express. (b.an)
