Gjykata në Shkup ka dhënë masën e paraburgimit 30 ditë për 30 personat e arrestuar në Kumanovë.
Ata janë të dyshuar për vepër penale terrorizëm sipas nenit 313 për terrorizëm dhe kërcënim të rendit kushtetues, ndërsa së shpejti pritet të ngrihet aktakuza kundër tyre. Pjesë e akuzave të tyre kanë të bëjnë me përleshjen e armatosur, ndërsa ata dyshohen si ishin pjesëtarë të grupit të armatosur.
Nga të ndaluar, 18 janë me shtetësi të Kosovës, 9 me shtetësi të Maqedonisë, 2 nënshtetas të Maqedonisë me qëndrim të përkohshëm në Kosovë dhe një shtetas shqiptar me qëndrim në Gjermani.
Ata dyshohen se ishin pjesë e grupit, por për disa prej tyre familjarë kanë theksuar se nuk kanë të bëjnë me grupin e armatosur.
