Sekretariati i Etikës ka vendosur përjashtimin me nga 10 ditë nga punimet e parlamentit të kreut të grupit parlamentar të Partisë Demokratike, Gazment Bardhi, dhe deputetit Klevis Balliu.
Vendimi erdhi pas tensioneve dhe përplasjeve të regjistruara gjatë seancës plenare në Kuvend.
Si pasojë e këtij vendimi, Bardhi dhe Balliu nuk do të mund të marrin pjesë në punimet e Kuvendit për një periudhë 10-ditore.
Gjithashtu, Sekretariati i Etikës ka rrëzuar kërkesën e PD duke mos vendosur asnjë masë shtrënguese për kryetarin e grupit parlamentar të Partisë Socialiste, Taulant Balla, lidhur me deklaratat e tij në Kuvend drejtuar deputetes së PD, Albana Vokshi.
Sipas PS, ndjesa publike e Ballës për shprehjen “për ty kam numrin 0900” dretuar Vokshit ishte e mjaftueshme për të mos vendosur përjashtimin e tij.
