Kërcënoi me gjobe biznesmenin duke i kërkuar 10 mijë euro, Krimet e Rënda japin masën arrest me burg për Tauland Neçajn.
27-vjecari nga Tropoja u arrestua nga forcat operacionale dhe policia e Shkodrës dy ditë më parë në zonën e Laprakës në Tiranë.
Neçaj kishte kërcënuar nëpërmjet telefonit dhe rrjeteve sociale që P.S t’i paguante atij 10 mijë euro. Paratë 27-vjeçari do t’i merrte pasditen e djeshme tek “Zogu i Zi”.
Por policia kishte një informacion të tillë, dhe i ka kërkuar që të ndalonte për kontroll, por Neçaj ka vijuar lëvizjen me shpejtësi në sens të kundërt me mjetin e tij tip Touareg, me targa AA 864 RH, duke dëmtuar tre automjete.
Pas 30 minutash ai u arrestua nga Policia, vetëm pasi ajo ka qëlluar në ajër. Gjatë kontrollit 27- vjeçarit iu gjetën dhe kanabis dhe një armë.
a.ç
