Gjermanët me shtetësi të dyfishtë do të humbasin shtetësinë e gjermane nëse luftojnë për grupet militante islamike jashtë vendit. Ky është vendimi i ri që është marrë në bazë të propozimeve të reja si pjesë e planit anti-terror në vend.
Ministri i Brendshëm, Thomas de Maizière, njoftoi edhe planet për të përshpejtuar dëbimin e kriminelëve të huaj.
Ai lajmëroi se do të ketë personel shtesë, pajisje dhe kompetenca përgjimi për policinë.
Por e refuzoi ndalimin të veshjes në publik të burkave nga gratë muslimane.
Disa nga kolegët e tij kristian-demokratë (CDU) kanë kërkuar ndalimin e burkës por de Maizière tha se do të jetë “problematike” dhe “ju nuk mund të ndaloni çdo gjë që ju refuzoni”.
De Maizière iu përgjigj sulmeve të fundit të lidhura me militantët islamikë.
“Unë propozoj që qytetarët gjermanë të cilët janë duke luftuar me milicinë terroriste në vende të tjera, dhe marrin pjesë në operacionet luftarake atje, në qoftë se ata kanë një shtetësi të dytë – dhe vetëm atëherë – ata do ta humbasin shtetësinë gjermane,” tha ai në një konferencë shtypi.
“Propozimet e mia janë kufizuar në pikat që mund të çojnë në më shumë siguri dhe shpejt”, tha de Maizière.
Një nga masat e reja është që të “promovohet terrorizmi” si një vepër penale.
Çështja e sigurisë është bërë tepër politike, ndërsa vendi përgatitet për zgjedhjet e përgjithshme të vitit të ardhshëm.
BW/d.i.
