Gjermania ka marrë masa ekstreme në mënyrë që të sigurohet që asnjë prej planeve të saj taktike të mos zbulohet përpara përballjes së saj në çerekfinale të Euro 2024 kundër Spanjës.
Spanja ka qenë padyshim skuadra më mbresëlënëse e turneut deri më tani, duke fituar të tre ndeshjet e saj në grup përpara se të mposhtte Gjeorgjinë në 16 ndeshjet e fundit me Nico Williams dhe 16-vjeçarin Lamine Yamal.
Tabloidi gjerman “Bild” raporton se ekziston frika për “spiunazh” brenda kampit gjerman. Në këtë mënyrë, janë marrë masa të posaçme sigurie për të mbajtur larg sytë kureshtarë mbi planin e lojës që mban top-sekret, Julian Nagelsmann.
Gjermanët tregohen të kujdesshëm ndaj spektatorëve spanjollë që vëzhgojnë seancat stërvitore, ku janë ngritur gardhe mbi kampin gjerman në Herzogenaurach në Bavari.
Siç ka ndodhur edhe gjatë gjithë turneut, siguria është e vendosur rreth objekteve me policinë që patrullon perimetrin.
Bild raporton për masa shtesë gati ‘të çmendura’ që përfshijnë stafin që luan muzikë me zë të lartë në telefonat e tyre celularë për të parandaluar këdo që të dëgjojë atë që po ndodh në fushën e stërvitjes.
Dy reporterë të “Bild” testuan procedurën, duke iu afruar objektit të trajnimit ku ata ndoqën çdo hap teksa këngët shpërthenin për të mbytur çdo copëz taktike nga brenda terrenit, me këngë të tilla si ajo nga seriali gjerman për fëmijë “Benjamin Blümchen” dhe “Cheri Cheri Lady” nga dyshja pop e viteve 1980 “Modern Talking”.
Ashtu si Spanja, Gjermania është e pamposhtur në Euro 2024, teksa mundi Skocinë në ndeshjen e parë në grupe përpara se të mposhte Hungarinë për të siguruar vendin e saj në fazën e eliminimit.
Mikpritësit barazuan në ndeshjen e fundit kundër Zvicrës – kundërshtarët e Anglisë në çerekfinale – dhe u frikësuan në ndeshjen e tyre në të 16-tat, kur Danimarka mendoi se kishte marrë epërsinë përmes Joachim Andersen.
Fituesi i ndeshjes të së premtes do të takohet me fituesit e Francës kundër Portugalisë në një tjetër supersfidë në raundin e çerekfinaleve.
/a.r
