Ish kryetarja e Parlamentit, deputetja demokrate Jozefina Topalli ishte e ftuar në Gjermani për të reflektuar në lidhje me 25 vjetorin e çlirimit të Shqipërisë nga regjimi komunist, nga ku është shprehur se u bënë dy vite që “ish Partia Komuniste” qeveris vendin me simbole komuniste.
“Mund t’ju duket e pabesueshme, por keto dy vjet qe vendi qeveriset nga ish Partia Komunsite, portretet e diktatorit Enver Hoxha shfaqen ne festa zyrtare kombetare ku merr pjese kryeministri, komunistet bene para pak ditesh manifestim ne kryeqytet me portretet e diktatorit dhe qeveria dekoroi me rastin e Festes se Clirimit disa prej xhelateve te inteligjnces shqiptare, disa prej persekutoreve me te eger, oficere te larte te Sigurimit te Shtetit, (stasi) madje edhe anetare te Byrose Politike, udheheqjes komuniste te kohes.
Po te ma kishin thene para pak vitesh se nostalgjiket e komunizmit mund te rishfaqeshin keshtu ne Shqiperi, nuk do ta kisha besuar. Por megjithese kjo eshte nje e vertete e hidhur, jam e lumtur per nje te vertete tjeter te madhe: shqiptaret i refuzojne me neveri keto akte. Shqiptaret duan qe Shqiperia te behet si gjithe Europa!”, tha Topalli.
Deputetja demokrate ka shtuar se korrupsioni në Shqipëri është armiku kryesor i vendit sot e kësaj dite.
“Me zemer te thyer, me duhet te them se ajo qe funksionon me mire sesa parimet e nje tregu te lire, eshte korrupsioni. Vitet e fundit ka marre permasa seriozisht shqetesuese per sistemin demokratik ne Shqiperi”, theksoi ajo.
“Askush me mire se ju gjermanet e Europes Perendimore nuk mund te na kuptoje ne shqiptareve ne kete 25 vjetor te renies se komunizmit….Do te doja te ndaloja ne secilen fotografite kesaj ekspozite dhe t’ju shpjegoja momentet dramatike te atyre diteve historike. Megjithate, jam e sigurte se portretet e secilit ne foto vlejne sa njemije fjale. Ajo qe duhet te dini eshte se, neqoftese keto foto do te ishin video, ju do te degjonit vetem dy thirrje nga demonstruesit:
Enver Hitler. I pari eshte diktatori i Shqiperise komuniste, Enver Hoxha. Tjetri eshte ai qe e njohim te gjithe, njesoj mizore. Thirrja e dyte e protestuesve te ’90es eshte lejtmotivi me kuptimplote per cdo brez shqiptari: e duam Shqiperine si gjithe Europa! Kjo thirrje eshte sot me aktuale se kurre, sepse, edhe pas 25 vjeteve ne liri, Shqiperia ende nuk eshte si gjithe Europa!”,tha Topalli.
