Në prangat e policisë së Fierit kanë rënë një 27-vjeçar, pasi është kapur me armë pa leje.
Burime nga policia e Fierit bëjnë me dije se i arrestuari është Neritan Murati, banues në lagjen “Kryengritja” Fier.
Arrestimi i tij u bë pasi në ambientet e punës në pikën e grumbullimit të materialeve plastike në pronësi të tij, nga kontrolli i ushtruar nga shërbimet e Komisariatit të Policisë Fier, i është gjetur një armë zjarri pushkë model 56 dhe 24 copë fishekë.
Materialet i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe mbajtja pa leje e armëve dhe municionit luftarak”./b.d
