Pak orë pas vrasjes së ndodhur në Durrës, ku u ekzekutua me armë 40-vjeçari Feriz Bardhi, gjendet një tjetër mjet i djegur.
Policia thotë se mjeti i dytë i djegur, është gjetur pranë Urës së Gjolës në Fushë-Krujë, ndërkohë që dyshohet të jetë përdorur nga autorët e vrasjes në Durrës.
Mjeti është gjetur duke u djegur rreth orës 15:45 minuta të pasdites së sotme dhe është i llojit tip “Benz 220”. Mësohet se brenda mjetit të djegur janë gjetur armë, të cilat dyshohet të jenë përdorur për vrasjen e Bardhit.
Forcat zjarrfikëse kanë shkuar në vendin e ngjarjes, ndërsa policia po heton për të zbardhur se kujt i përket automjeti.
Më herët policia ka gjetur një mjet të djegur në Porto Romano dhe dyshimet kanë qënë të njëjta.
Feriz Bardhi nga fshati Shën Vlash i Durrësit, por me banim në lagjen 18, është ekzekutuar sot në orën 12:55, sapo ka dalë nga banesa e tij. Dyshim mbetet një e kaluar e errët e viktimës, që me sa duket është edhe pista ku po heton policia.
Grupi hetimor po merr në pyetje familjarë të 40-vjeçarit për të zbuluar ndonjë konflikt të mundshëm të mëparshëm të viktimës.
/a.r
