Një grua është gjetur e pajetë në Korçë mesditën e sotme. Sipas të dhënave të para, 80-vjeçarja Nazime Demollari është gjetur pa shenja jete në banesën e saj në lagjen 14 në Korçë.
Dyshimet kanë rënë mbi djalin e viktimës, 50-vjeçarin Nazim Demollari. Mësohet se ai është shoqëruar në polici ku po merret në pyetje. Policia ka nisur hetimet për zbardhjen e ngjarjes dhe po mbledh dëshmi për të zbuluar çfarë ka ndodhur.
Ngjarja ka tronditur fqinjët e familjes dhe banorët e tjerë të cilët kanë njoftuar policinë dhe një nga djemtë e viktimës që jeton jashtë shtetit duke i treguar se kishin dëgjuar të bërtitura dhe zhurma të forta.
Mësohet se djali ishte i pamartuar dhe jetonte vetëm me nënën, e cila i ka fëmijët e tjerë jashtë. Fqinjët kanë thënë se 50-vjeçari konsumonte alkool dhe ushtronte dhunë vazhdimisht ndaj nënës së tij.
/a.rada
