Gazetarja Sonila Meço, mori pjesë këtë të mërkurë në tryezën me shoqërinë civile të thirrur nga ish-kryeministri Berisha.
Në fjalën e saj të shkurtër që ajo mbajti në takim deklaroi se për të sjellë ndryshimin duhet mobilizim dhe alternativ.
“Momentet që flasim Anglia ka dalë në protestë, e paimagjinueshme, protestohet kundër menaxhimit të kostove të jetesës nga ana e qeverisë, në Bullgari po bie një qeveri për shkak të inflacionit.
Nuk ka përgjigje tjetër përveç mobilizimit total të të gjithëve, por në këtë mobilizim që është në sipërfaqe doktor duhet alternativa.
Troç, doktor, ma jepni troç: duhet t’i thoni shqiptarëve ku do t’i gjeni paratë që do kompesoni këtë të rritje çmimesh, do të shkoni te biznesi i madh, do rrisni taksat, çfarë do bëni doktor?
Troç duhet t’i jepni shqiptarëve alternativën. Mobilizim dhe alternativë dy rrugë ka”, tha Meço./m.j
