Ish-kryeministri Berisha vijon me akuzat e bazuara në informacionet që ia dërgon ‘oficeri dixhital’. Sot, Sali Berisha ka shpërndarë në rrjetet sociale një denoncim të ri, sipas të cilit Mimi Kodheli dhe një komandant i Forcave të Armatosura po ndërhyjnë në zgjedhjet e Dibrës.
“Mriken e Ministrise se Mbrojtjes dhe Gjeneral Trafikun per pjesemarrje direkte ne fushaten elektorale ne Peshkopi me batalionin special, ne shkelje flagrante te ligjit dhe Kushtetutes se vendit! I bej thirrje Presidentit te Republikes ne ciliesine e Komandantit te Pergjithshem te ndeshkoje me vendosmeri autoret e ketij akti kriminal elektoral te Mrikes dhe gjeneral Trafikut!” – shkruan Berisha sot.
Denoncimi i Berishës shkon më tej teksa thotë se Eklant Dauti ka vënë në shërbim efektivë të armatosur, për të ndikuar në zgjedhjet e Dibrës dhe për të ndihmuar koalicionin e majtë atje.
Por një kërkim i thjeshtë i bërë nga JavaNews nxjerr në pah se Eklant Dauti, me gradë nënkolonel, është dekoruar më 2014 pikërisht nga Bujar Nishani me “Dekoratën e Artë të Shqiponjës”, si ushtarak i përkushtuar dhe drejtim me profesionalizëm të FA-ve në Afganistan.
Nuk dihet nëse nën cilësinë e Komandantit të Përgjithshëm, Nishani do t’i bindet Berishës për ta hetuar rastin e raportuar nga oficeri anonim dixhital, por nëse ngjarja do të merrej seriozisht, Nishani duhet t’i heqë Dautit edhe dekoratën për përkushtim dhe profesionalizëm…
Megjithatë, Sali Berisha nuk është hera e parë që bie pre e ‘informacioneve sekrete’ të Facebook. Brenda këtij muaji, Berisha denoncoi parcela kanabisi në fshatin Qivrym (?) si dhe postoi një foto të këngëtarit Arkimed Sali Lushaj mes hashashit, por në vend të fytyrës së tij Berisha kishte montuar Saimir Tahirin. (Java / R.a)
Denoncimi i Oficerit Dixhital
“Ministrja e Mbrojtjes mimi kodheli,ne bashkepunim me komandantin e Batalionit Special (Eklant Dauti)te dergoje efektiv te kesaj njesie per mbeshtetje te kandidatit socialist ne Diber,kunder cdo ligji e rregulloreje,pasi i ka premtuar graden e radhes te Kolonelit,ky i fundit(Eklant Dauti)ka ven ne sherbim efektiv te armatosur te kesaj njesie.shpresoj te jete domethenese per ju ky shqetesim i imi Doktor Berisha,Ju pershendes me respekt:oficeri dixhital”
sadeads