Një aksident rrugor me pasojë vdekjen e një gruaje dhe plagosjen e 5 të tjerëve ka ndodhur mesditën e sotme në Fushë-Krujë. Nga të dhënat e para bëhet e ditur se dy automjete janë përplasur me njëri-tjetrin, dhe për pasojë është shënuar edhe bilanci tragjik.
Sipas policisë, viktima është një grua, ndërsa të plagosur kanë betur bashkëshorti i saj Bardh Haka dhe dy fëmijët. Deri më tani nuk është zbardhur ende identiteti i viktimës, ndërsa bëhet e ditur se familja po udhëtonte me një automjet tip fuoristradë.
Ndërkohë dy të plagosurit e tjerë ndodheshin në automjetin tjetër dhe sërish bëhet fjalë për një familje. Mësohet se në automjetin me tip Audi me targa TR 7069 T kanë mbetur të plagosur Malvin Spahia dhe bashkëshortja.
Nga hetimet e kryera dyshohet se aksidenti të jetë shkaktuar nga automjeti tip “Audi”, ndërsa po punohet për zbardhjen e plotë të rrethanave të ngjarjes.
