Rreth 139 000 migrantë të “mbërritur të paligjshëm” janë regjistruar në BE në 2019, niveli më i ulët që prej vitit 2013, ndërkohë që kthimet drejt vendeve të origjinës janë në rritje, theksoi sot agjencia europiane e kontrollit kufitar “Frontex”.
“Rënia e numrit të të mbërriturve në kufijtë e jashtëm, që ka rënë me 92% në raport me kulmin e 2015, është regjistruar kryesisht në rënie në rrugët migratore të Mesdheut Qendror dhe Perëndimor”, theksoi Fabrice Leggeri, drejtor i Frontex, në një konferencë shtypi në Bruksel.
Ndërkohë që, Mesdheu Lindor (Greqi, Bullgari, Qipro) ka regjistruar një rritje të kalimeve me 46% në raport me vitin 2018 duke arritur në 82 000.
“E njëjta tendencë është verejtur në kufijtë e Kroacisë dhe Hungarisë”, sipas një bilanci paraprak.
Pjesa më e madhe e migrantëve që marrin këto rrugë të Mesdheut Qendror dhe Ballkanit Perëndimor janë afganë dhe sirianë. Afganët mbajnë vendin e parë të atyre që mbërrijnë në Bashkimin Europian.
Agjencia e BE-së për mbrojtjen e kufijve, Frontex, bën me dije se kjo ka të bëjë kryesisht me gjendjen e pastabilizuar në Siri dhe në Afganistan. Por edhe shanset e pakta ekonomike të afganëve në Iran dhe aksesi i kufizuar në tregun e punës në Arabinë Saudite kanë ndikuar për këtë valë emigrimi.
g.kosovari
