Një 56-vjeçar është gjetur pajetë mbrëmjen e sotme në banesën e tij në lagjen “Skenderbeg” të Lezhës. Viktima është Kujtim Trushi dhe sipas policisë jetonte i vetëm.
Nga kqyrja paraprake e trupit të tij, nuk janë konstatuar shenja dhune apo dëmtime të tjera dhe nga të dhënat e para dyshohet se ka ndërruar jetë nga shkaqe natyrale.
Kanë qenë fqinjet që kanë lajmëruar policinë pasi kanë ndjerë erën e keqe që vinte nga banesa e Trushit. Ndërkohë nuk dihet ende shkaku i vdekjes, ndërsa policia po heton rreth ngjarjes.
Grupi hetimor ndodhet në vendngjarje dhe po punon për sqarimin e rrethanave të ngjarjes.
g.kosovari
