Tifozët e Vllaznisë janë mbledhur këtë të premte përpara Bashkisë së Shkodrës për të protestuar për gjëndjen e rëndë që ndodhet skuadra e tyre. Qindra tifoza shkodranë janë mbledhur para bashkisë duke ofenduar kryebashkiakes, Voltana Ademi, e cila është dhe presidente e klubit kuqeblu.
Ata përveç thirrjeve kundër Voltana Ademit kanë hedhur vezë dhe letër higjenike drejt mureve të bashkisë. Tifozët shkodranë, paralajmëruan se do të bllokojnë stadiumin ditën e nesërme, në duelin kundër Kukësit. Kjo është gjendja më e rëndë për klubin e Vllaznisë që është shumë pranë rënies për herë të parë në Kategorinë e Parë.
Vllaznia klasifikohet në vendin e nëntë në renditje dhe shanset për të mbijetuar janë shumë të pakta, dhe përgjegjsja kryesore është kryebashkiakja Voltana Ademi e cila ka keq menxhuar këtë klub.
ma.me
