Policia Kufitare ka goditur një tentativë të trafikimit të lëndës narkotike nga Shkodra drejt Malit të Zi, por nuk ka mundur të vë në pranga personat që e transportonin atë nga mali. Në orët e para të mëngjesit, shërbimet kufitare gjatë patrullimit të gjelbër në kufi me Malin e Zi, në Bukoviç, mbi fshatin Brigjë, të Malësisë së Madhe, me anë të Kamerave Termike disa persona që po lëviznin në drejtim të Malit të Zi duke transportuar dy thasë ku dyshohej se ishin me lëndë narkotike.
Menjëherë shërbimet e Policisë Kufitare kanë njoftuar Forcën Operacionale të Kufirit si dhe Sektorin Kundër Narkotikëve në Policinë e Shkodrës. Personat porsa kanë parë se po i ndiqte Policia kanë fshehur lëndën narkotike dhe janë larguar në drejtim të pyllit.
Si rezultat i krehjes së zonës u gjetën dhe u sekuestruan dy thasë ku brenda tyre kishte 44 pako me peshë rreth 48 kg lëndë narkotike Cannabis Sativa. Shërbimet e Policisë vijojnë krehjen e zonës për të bërë të mundur kapjen e personave që transportonin lëndën narkotike.
