Brendet luksoze sikurse Mercedes-Benz ose Audi mund të japin më të mirën kur bëhet fjalë për vetura të blinduara, por ata nuk mund të ofrojnë asgjë sikurse ky model i quajtur Knight XV.
Ky Off-Roader është model i Conquest Vehicles of Toronto, nga Toronto, Kanada, dhe është në version 4WD me veçori të teknologjisë së fundit në kabinë, transmeton Koha.net. Shasia e tij është e bazuar në modelin e përditësuar Ford 550 Super Duty, që do të thotë se ky model peshon 5.897 kilogramë, dhe posedon motorin benzinë 6.8-litër në kombinim me marshin automatik me pesë shpejtësi.
Knight XV është i ndërtuar nga çeliku balistik, mbrojtësit anësorë janë të ndërtuar nga fibra të qelqit balistik, ka xhamin e blinduar e transparent me trashësi prej 64 mm. Po ashtu posedon edhe rrotat balistike me diametër prej 20-inç, të cilat përdoren edhe tek rrotat e aeroplanit që përdoren gjatë aterrimit.
Gjithashtu, Knight XV përmban edhe disa veçoritë e sigurisë, duke përfshirë një pajisje të jashtme për dëgjim/intercom, borinë, kamerën e natës, dritaren elektrostatike, detektorin për magnet i vendosur në konzolën e pasme, transmeton koha.net.
Kur të hapni derën e kësaj “veture për fundin e botës” do të shihni katër ulëse të veçanta prej lëkure, përballë njëra-tjetrës, të cilat mund t’i rregulloni në mënyrë elektrike në pjesën e pasme të kabinës, tepihët Wilton nga leshi, një frigorifer, tavolinë të punës ose për kompjuter, sistemin DirectTV, konzolën e Playstation 4, iPad të integruar në konzolën qendrore, disa monitorë, si dhe tavanin transparent të blinduar.
Në pjesën e përparme, shoferi dhe pasagjeri po ashtu kanë ulëse prej lëkure – të kontrollueshme në mënyrë elektrike – sistemin multimedial Alpine, sistemin e navigimit GPS dhe po ashtu edhe tavanin transparent të blinduar, transmeton Koha.net. Në listën e veçorive po ashtu hyn edhe dritaret elektrike, ndriçimi i lehtë, sensorët për parkim, etj.
Prodhimi i Knight XV është i kufizuar në vetëm 100 njësi dhe secili merr kohë përafërsisht 4 mijë orë që të ndërtohet me duar.
Ky model shitet me çmim prej 565 mijë dollarë./a.m.
