Pak kohë më parë, ai kuriozoi ndjekësit në Instagram duke postuar një foto krah një vajze brune, portreti i së cilës ishte fshehur.
Mirëpo tani, duket se aktori i “Portokalli” Rezart Veleshnja dhe e dashura e tij e re nuk fshihen më. Përveçse nuk kanë munguar dedikimet romantike në rrjetet sociale, Veleshnja tashmë ka folur publikisht për partneren e tij të re.
Momentalisht ai ndodhet pranë saj në Gjermani, ku po shijon ditët e pushimit dhe nuk ka hezituar që në një intervistë për gazetën “Panorama”, ta quajë atë “gruan e jetës”. “Mund të them vetëm që e dashura ime jeton prej 20 vitesh në Gjermani, është me profesion mjeke dhe e them me bindje se e shoh si gruan e jetës, pra, ajo do të jetë nusja ime!’-është shprehur aktori i njohur për rolin e Betim Spërdhimës.
