Në një kohë kur ka qenë në qendër të vëmendjes së mediave pasi i dashuri i saj u arrestua në Itali për trafik droge, moderatorja Viola Spiro thyen heshtjen. Valentin Selaj, i cilësuar nga mediat italiane si bosi i kokainës në Holandë dhe Italia, u arrestua në Firence.
Bukuroshja e ekranit ka publikuar sot një video në instastory, teksa shihet që udhëton drejt Vlorës, ndërsa në makinë mban edhe një qen. Ndërkohë, nuk dihet nëse bukuroshja ka shkuar në qytetin bregdetar për t’ju bashkuar festimeve në kuadër të 105 vjetorit të Pavarësisë së Shqipërisë.
Ky është reagimi i parë pas lajmit të arrestimit të të dashurit të saj. Ndërkohë e vetmja që ka reaguar ka qenë nëna e saj. Përmes një statusi në rrjetet sociale, Brunilda Spiro iu kundërvu mediave që merren me jetën e vajzës së saj.
