Deputetja Rudina Hajdari është marrë në mbrojtje, tre ditë pasi deklaroi se ishte kërcënuar.
Siç shihet edhe nga fotot e publikuara nga Tch, një bodigard shoqëron Hajdarin kudo.
Hajdari deklaroi në seancën e së hënës se është kërcënuar në zyrën e saj në kryesinë e Kuvendit.
Marrja në mbrojtje e saj nga Garda e Republikës erdhi pas denoncimit që ajo vetë bëri në parlament si dhe kërkesës që i kishte drejtuar kreut të Kuvendit, Gramoz Ruçit se ishte kërcënuar.
“Para pak ditësh ju kam dërguar një shkresë në lidhje me një kërkesë që ju kërkon të siguroni ambientet e Kuvendit dhe të Kryesisë së Kuvendit. Nuk mund të ndodhë sot që në 2019 deputetët të kërcënohen. Është e papranueshme që një femër të kërcënohet. Më kanë ardhur në zyrë e më kanë kërcënuar. Nuk mundet të ndodhë më, ka ikur ajo kohë. Merrni masa para se të kemi ndonjë viktimë në parlament”, deklaroi Hajdari.
Pikërisht për këtë rast, Zv/Ministri i Brendshëm, Besfort Lamallari tha pak ditë më parë në një emision televiziv se kanë nisur procedurat për hetimin e rastit, ndërsa janë marrë masat për shtimin e masave të sigurisë për deputetët.
g.kosovari
