Familjarët e Ragip Hajdinit i cili u arrestua si bashkëpunëtorë në grabitjen spektakolare më 9 Mars në Rinas, kanë mohuar se i afërmi i tyre të jetë i përfshirë. Madje djali i Ragip Hajdinit, Dardan Hajdini ka thënë në një prononcim për mediat se babai i tij është i pafajshëm dhe se nuk ka lidhje me këtë ngjarje kriminale dhe se arrestimi është i padrejtë. “Kemi të ardhura, nuk kemi nevojë të grabisim”, u shpreh ai.
Të njëjtin qëndrim ka mbajtur edhe vëllai i “Dajës” nga Kosova, Mustafa Hajdini i cili madje thotë se vëllai i tij nuk njihej me pseudonimin “Daja”: “Askush nuk e thërriste me emrin “Daja”, nuk e kam dëgjuar kurrë. Atij i thonë “Gipe”.
“Asnjë nuk më ka njoftuar. Ragipi jeton në shtëpi të tij, unë në shtëpi time. Jetojmë në një pallat por ai ka shtëpinë e tij ai të veten. Kur unë jam i pastër nuk mundet me më kontrolluar në shtëpinë time, nuk ka ardhur për kontroll policia”, përfundoi Mustafa Hajdini, i cili ka marrë avokt për të vëllain. Mirash Dacin.
Por ndërkohë komentet sociale në rrjetet sociale duket se nxjerrin ‘bllof’ vëllain e Ragip Hajdinit, pasi ndryshe nga sa thotë ai, vëllai i tij njihej që herët si “Daja”. Në një koment në Facebook, që daton që nga maji i vitit 2013, dikush i shkruan Ragip Hajdinit: “Ragip Daja, bukur”. Të njëjtin pseudonim për Ragip Hajdinin e ka deklaruar edhe i arrestuari tjetër i ‘bandës së Rinasit’, Alkond Bengasi./raport.tv
/a.meta
