Një shqiptar i cili jetonte në Shtetet e Bashkuara të Amerikës, ka gjetur vdekjen në një aksident tragjik.
Bëhet fjalë për Nuri Kaloshin, me origjinë nga Dibra, i cili teksa udhëtonte me motor u përplas me kamionin e plehrave.
Ai jetonte prej disa vitesh në SHBA dhe ishte i fiksuar pas motorave dhe shpejtësisë.
Pikërisht në një nga xhirot e tij me motor, u përplas fatalisht. Akasidenti tragjik u shënua rreth orës 03.00 të mëngjesit të së hënës në zonën e Bergen, New Jersey.
Mësohet se një javë më parë ai kishte qenë në Shqipëri, ku kishte përcjellë në banesën e fundit të ëmën. Si të dyshuar për ngjarjen policia arrestoi shoferin e kamionit 51-vjeçarin Jonathan Lacher.
Duke dhënë lajmin e hidhur djali i tij shkroi në rrjetet sociale, “Me zemër të copëtuar ju njoftoj se më 17 shkurt 2020, babai im Nuri Kaloshi u përfshi në një aksident me motor rreth orës 3 të mëngjesit. Ai për fat të keq ka humbur jetën. Babai im do të mbahet mend gjithmonë dhe do ta duam pafund. Të dua shumë babi dhe e di që na po shikon të gjithëve si engjëll që je. Pusho në paqe babi me nanën”.
v
g.kosovari
