Një shpërthim i fuqishëm është dëgjuar mëngjesin e sotëm në Tiranë.
Një depozitë në pikën e karburantit ka marrë flakë në zonën e “Brrylit” dhe raportohet për disa punonjës të plagosur deri tani.
Burime bëjnë me dije se ka shpërthyer një depozitë e pikës së karburantit, për pasojë është shembur një godinë një katëshe.
Banorët e pallateve pranë kanë dalë të alarmuar duke u larguar dhe krijuar distancën e sigurisë.
Fatmirësisht deri tani nuk raportohet për të dëmtuar apo viktima. Policia dhe forcat zjarrfikëse në vendin e ngjarjes. Shkaqet e shpërthimit mbeten ende të panjohura, por dyshohet për defekt në kushtet e sigurisë ose një pakujdesi.
Nga shpërthimi është shkatërruar e struktura e karburantit dhe godina njëkatëshe ku qëndronin punonjësit.
Njëri prej tyre mbeti i bllokuar brenda për pak minuta, por ndërhyrja e banorëve të zonës bëri që t’i shpëtonte flakëve që kanë përfshirë biznesin.
Policia, ambulanca dhe zjarrfikësit janë në vendngjarje për të neutralizuar çdo rrezik të mëtejshëm, teksa qarkullimi në zonë është bllokuar.
Banorët janë të alarmuar dhe kanë lënë të gjithë shtëpitë, në një kohë kur duhet të ishin duke u bërë gati për të shkuar në punë apo për të kryer detyrimet e një dite të zakonshme.
