Pirro Dhima ka mirëpritur fëmijën e tij të 5-të më bashkëshorten e tij, Afërdita Skafida.
Peshëngritësi shqiptar nuk e ka fshehur emocionin teksa ka folur për mediat greke, duke dhënë lajmin e mirë të lindjes të të bijës.
Madje ka ndarë edhe një foto nga brenda në maternitet, ku Afërdita Skafida mban në krahë fëmijën e tyre të porsalindur.
“Është një moment shumë i bukur. I bekuar. Nuk e kisha imagjinuar kurrë se do të kisha pesë fëmijë, ja ku janë. Si nëna ashtu edhe fëmija janë mirë. Nuk ishte një lindje shumë e lehtë. Edhe une kam qenë 10 ditë në Tajlandë…Nuk kam qenë i pranishëm në lindjen e asnjërit prej fëmijëve të mi. Nuk mund ta shoh njeriun tim me dhimbje. Kam qarë gjatë gjithë lindjeve të fëmijëve të mi. Këto janë momente të mëdha. Ato janë medaljet tona, medaljet e jetës”.
Së fundi, ai ka treguar se vajza e tyre me Afërditën Skafidën, do të marrë emrin e nënës së tij që u nda nga jeta disa vite më parë.
“Vajza jonë do të marrë emrin e nënës që unë e humba në vitin 2021, atëherë takova edhe Afërditën. Do ta quajmë Elefteria,”-tha Dhima.
Sa i përket planeve për një tjetër pasardhës, atleti la të kuptohet se 5 për të ishin mjaftueshëm.
“Kam 3 vajza, 2 djem, nuk do të kem 6, do të marr një televizor për dhomën e gjumit,”- tha ai.
Çifti u martuan me miq dhe familjarë të ngushtë më 3 shkurt. Gjatë ceremonisë, çifti ndau dhe lajmin e shtatzanisë dhe gjininë e fëmijës./m.j
