Në orët e dëshpëruara të arratisjes nga Kabuli ka një fotografi, së bashku me ato të tmerrshme të trupave që bien në tokë nga aeroplanët e ngritjes, e cila ka bërë xhiron e botës: qindra afganë u grumbulluan në një avion kargo amerikan.
Vlerësimet e para, të transmetuara me audio nga i njëjti ekuipazh i aeroplanit, flisnin për mbi 800 persona, por një zyrtar i Departamentit Amerikan të Mbrojtjes konfirmoi në mënyrë anonime se në bordin e avionit C-17 Globemaster III të Forcave Ajrore që u ngrit nga Kabuli kishte 640 pasagjerë, një rekord për këtë lloj avioni ushtarak që ka një kapacitet prej 188 vendesh: fluturimi nuk ishte menduar të mbante kaq shumë pasagjerë, shpjegoi Pentagoni, por dhjetëra njerëz arritën të hynin në dyert gjysmë të hapura të avionit, i cili u ngrit në ajer për të arritur në bazën Al Udeid në Katar.
