Dy motra pakistaneze-spanjolle të moshës 21 dhe 24 vjeç u vranë nga vjehërrit dhe anëtarët e tjerë të familjes në provincën lindore pakistaneze të Punjabit për shkak të kërkesës për divorc nga burrat e tyre pas martesave të detyruara.
Vajzat ishin kthyer së fundmi nga Spanja për të nisur procedurat e divorcit nga dy kushërinjtë me të cilët ishin detyruar të martoheshin.
Aneesa dhe Arooj Abbas u vranë të premten mbrëma në fshatin Nathia, rrethi Gujrat. Nuaman Hussain, një zëdhënës i policisë lokale, tha se të dyja motrat dhe nëna e tyre ishin kthyer nga Spanja më 19 maj.
Sipas tij, të rejat ishin martuar me kushërinjtë e tyre një vit më parë dhe tani dëshironin të divorcoheshin për t’u martuar me dëshirën e tyre në Evropë./m.j
