Nëse doni të shihni alternativën e opozitës, për të drejtuar Shqipërinë, shikoni vetëm seancat e së enjtes.
Nuk kanë asnjë alternativë se si mund ta bëjnë vendin më të mirë, por kanë si synim vetëm si të zihen e shahen me Ramën e ministrat e tij, duke i qëlluar herë me vezë, herë me çizme e herë me bojë.
Mendojnë se mund të vijnë në pushtet, vetëm me dhunë.
Fatkeqësisht, sot kjo është e vetmja fytyrë e kësaj opozite, dhuna dhe përfaqësuesit e saj me të cilët do të vijë në pushtet, janë Edi Paloka, Flamur Noka, Klevis Balliu apo Gent Strazimiri (që bën edhe fotografin dhe kameramanin në Kuvend).
Nuk duan t’ja dinë edhe kur në Kuvend kanë miq dhe ratifikohej një marrëveshje e rëndësishme për shqiptarët e Maqedonisë.
Ata kanë axhendën e tyre dhe duan të vijnë në pushtet me patjetër.
Kanë caktuar edhe ditën, 16 shkurtin.
Por, vështirë të vish në pushtet me vezë dhe bojë.(TemA)
