Një aksident i rëndë ka ndodhur në orët e para të mëngjesit të kësaj të shtune, në Lushnje.
Një makinë tip Benz, është përplasur me një kamion në by-passin e Lushnjes, rreth orës 03.00 të mëngjesit.
Për pasojë automjeti tip Benz ka përfunduar përmbys i bërë copash, teksa ka goditur kamionin nga pas.
Ndërsa goditja ka qenë aq e fuqishme, edhe kamioni i ngarkuar me bimë medicinave ka dalë nga rruga dhe është batuar.
Si pasojë e këtij aksidenti të rëndë, të cilin mund ta shikoni përmes fotografive, ka mbetur i plagosur rëndë dhe ndodhet në gjendje kritike drejtuesi i automjetit Dorian Lika, 34 vjeç.
Për shkak të dëmtimit të mjetit, u desh ndërhyrja e shërbimit zjarrfikës për të nxjerr të plagosurin nga makina, i cili u dërgua në spital në gjendje të rëndë.
Dyshohet se shkak për aksidentin është bërë shpejtësia e madhe me të cilën lëvizte Lika, ndërkohë që drejtuesi i kamionit ka pësuar vetëm dëmtime të lehta. 
g.kosovari
