Kylie Minogue ka risjellë në vëmendje një nga pamjet më të njohura të karrierës së saj, në një moment kur hiti “Can’t Get You Out Of My Head” ka shënuar një sukses të ri në Spotify.
Këngëtarja australiane, 58 vjeç, publikoi disa fotografi të rralla nga koha e përgatitjeve dhe xhirimeve të videoklipit, ku shfaqet me një stil që fansat e lidhin menjëherë me këngën e famshme.
E veshur me të bardha, artistja duket sikur është kthyer në fillimvitet 2000, duke rikrijuar pamjen që e bëri të paharrueshëm videoklipin e “Can’t Get You Out Of My Head”.
Veshjet e guximshme dhe elementet futuriste të asaj periudhe e kthyen videoklipin në një prej më ikonëve të karrierës së Kylie-t, ndaj rikthimi i këtij look-u ka tërhequr vëmendjen e fansave.
Fotografitë u ndanë teksa kënga feston një rekord të rëndësishëm: ajo ka kapërcyer shifrën e 1 miliard transmetimeve në Spotify, 25 vite pas publikimit.
“Faleminderit të gjithëve në mbarë botën që e keni transmetuar, kënduar, kërcyer dhe dashur!”, shkroi Kylie në rrjetet sociale.
Mes imazheve të publikuara kishte edhe fotografi nga përgatitjet për videoklipin, të cilat tregojnë momentet kur këngëtarja provonte veshjet dhe pamjen që do të përdorej gjatë xhirimeve.
“Dikush t’i tregojë asaj se ka arritur një miliard”, shkroi këngëtarja me humor.
E publikuar më 8 shtator 2001 si pjesë e albumit “Fever”, kënga u rendit në vendin e parë në më shumë se 40 shtete dhe u shndërrua në një nga hitet më të mëdha të Kylie Minogue.
Edhe pas më shumë se dy dekadash, “Can’t Get You Out Of My Head” vazhdon të jetë e suksesshme, ndërsa pamja ikonë e artistes mbetet po aq e kujtuar sa edhe muzika.
