Një numër i forcave speciale amerikane në Siri pritet të mbështesin ofensivën ushtarake turke në veri të vendit me kërkesën e Ankarasë, tha dje në mbrëmje vonë një zëdhënës i Pentagonit.
“Ushtarët tashmë janë vendosur”, tha zëdhënësi, duke shtuar se ata janë atje për të mbështetur njësitë turke dhe grupet e moderuara rebele siriane për çlirimin e rajonit kufitar nga Shteti Islamik.
Vendosja e forcave është delikate për Shtetet e Bashkuara të Amerikës për shkak se Turqia është duke u përpjekur, me një ofensivë të nisur në gusht, për të parandaluar kurdët sirianë për të marrë më shumë territor.
Zëdhënësi nuk pranoi të jepte detaje lidhur me numrin e ushtarëve të përfshirë.
Ai tha se forcat janë pjesë e një dislokimi të rreth 300 forcave speciale që tashmë veprojnë atje.
Pentagoni gjithashtu nuk pranoi të japë hollësira mbi aktivitetet e tyre përveç se thanë se ishin të përfshirë në trajnimin, këshillimin dhe mbështetjen./
