Pas disa orësh përpjekje u bë i mundur nxjerrja e trupit të biznesmenit Ruzhdi Hoxha nga “Qafë Mollasi”, Dajt. Pas përpjekjeve të policisë u desh ndërhyrja e forcave RENEA pasi terreni ishte shumë i vështirë.
Më herët gazetarja Klodiana Lala në një raportim live për “News 24” nga vendi i ngjarjes tha se bëhet fjalë për një rrëpirë rreth 200-300 metra, madje policët janë dëmtuar në përpjekjet për nxjerrjen e trupit.
Në këto momente janë pyetur edhe miqtë dhe familjarët e tij. Ata kanë pretenduar se kanë pirë një birrë të gjithë dhe më pas Fred Rushaj e ka marrë me makinë. Nga ana tjetër Ferdinand Rrushi ka mohuar të kishte gisht në ngjarjen e rëndë, por më pas Policia ka deklaruar se ka mbledhur prova që e implikojnë atë në krim.
Mendohet se për shkak se trupi kishte filluar dekompozimin ai të jetë vrarë që natën kur është rrëmbyer.
