Në natën e ndërrimit të viteve një ngjarje e rëndë ndodhi në Australi, duke tronditur kështu edhe opinionin publik shqiptarë. 55-vjeçari Osman Shaptafaj qëlloi me armë për vdekje vajzën e tij Linditën dhe dhëndrin Vetonin. Babai monstër goditi më pas veten, por tani ndodhet jashtë rrezikut për jetën.
Në media menjëherë mes krimit të rëndë, u shkruajt se arsyeja pse 55-vjeçari shqiptar, kishte bërë këtë veprim të rëndë ishte, sepse nuk mund të duronte dot largimin e së bijës dhe faktin se ajo do të fillonte një jetë të re.
Mirëpo, sipas mikut të tij, Naim Flamurit, e vërteta nuk është kjo. Në një komunikim për emisionin “Shqipëria live”, Flamuri është shprehur se Shaptafaj dëshironte të hakmerrej ndaj gruas pas divorcit.
“Kam 25 vjet që e njoh autorin e krimit. Na ka tronditur kjo ngjarje. Lindita kishte 15 vjet që nuk jetonte me babain, sepse prindërit iu divorcuan. Osmani kishte 7 vite i izoluar, kisha kohë që nuk dëgjoja për të. Kur e takova Linditën ajo dridhej dhe më tha ‘Nuk e di, nuk kemi dëgjuar për të’. Ai nuk ishte kujtuar për fëmijët më parë, por kohët e fundit kishte kërcënuar nënën e Linditës duke i thënë ‘Do të të lëndoj ku të dhemb më shumë’. Kush e mendonte se ai do vriste vajzën. Osmani ishte një shpirt i trazuar.
Atë e solli motra e madhe në Australi në fillim të viteve ’90. Edhe në atë kohë ndodhi një krim shumë i shëmtuar, motrën e madhe të Osmanit e vranë me gjakftohtësi për një çështje banale. Dhe nga ai moment, ai kurrë nuk ishte më Osmani që unë njihja. Ai donte hakmarrje, jetonte vetëm për ditën e hakmarrjes. Vrasësi i motrës së Osmanit mori dënimin me burg. Më pas Osmani u divorcua, u trondit, u tjetërsua, la familjen, la fëmijët. Ai jetonte në periferi, ka patur ndikime narkotike që ia thelluan më tepër errësirën”, ka treguar Naimi.
/a.r
