Kunati i Konstandin Kaçifas thotë se veprimi i tij ishte i pamenduar dhe kërkoi që ngjarja të mos politizohet.
“Mediat shqiptare e greke japin informacione të pavërteta. Djali bëri një budallallëk dhe një ngjarje e tillë nuk ka pse të politizohet.
Po përpiqemi të qetësojmë ujërat si në Greqi dhe në Shqipëri.
Ka të çmendur nga të dyja palët, kështu që mos t’u japim shkas ekstremistëve. Jemi fqinj dhe gjërat nuk duhet të keqinterpretohen”, u shpreh ai.
Ndërsa një prej banorëve të Bularatit, shprehet:
“Ishte djalë shumë i mirë. Nuk ka shkaktuar asnjëherë probleme. Ai kujdesej gjithmonë për organizimin e festës, ndihmoi në vënien e flamujve, vizatoi këtu në mur flamurin dhe emrin e fshatit. Dje (ditën e ngjarjes) iku e më pas erdhi më armë. Ishte i sëmurë, apo jo?
Nuk di ta them. Ai sigurisht që nuk bëri mirë që mori armë. Por as Policia nuk bëri mirë që e vrau. Nuk e dimë si ka ndodhur.
Ai qëllonte vazhdimisht. Unë me gruan ishim brenda në shtëpi, dolëm kur dëgjuam të shtënat.
Ai duhej të dorëzohej. Por të mos vritej djali”.
35-vjeçari Konstandin Kaçifas u vra nga RENEA pasi terrorizoi Bularatin, ndërkohë që vrasja e tij ka rikthyer edhe njëherë debatet nacionaliste.
a.ç
