Kryeministri i vendit Edi Rama reagoi pas fitores së thellë të Muharrem Ramës në Dibër. Kreu i mazhorancës tha se kjo fitore do shërbejë si detyrim ndaj dibranëve. Ai tha se fjalët e tepërta “janë fukarallëk” përballë shifrave të fitores.
Ja postimi i Ramës në Facebook:
FALEMINDERIT!
Fjalët e tepërta janë vërtet fukarallëk, nën dritën e rezultatit kuptimplotë të zgjedhjeve të Dibrës!
I falenderoj megjithë zemër, një për një, të gjithë zgjedhësit dibranë, për besimin e jashtëzakonshëm që na dhanë, përmes votës për kryebashkiakun Muharrem Rama.
Dhe dëshiroj të nënvizoj se këtë fitore të madhe, unë e lexoj mbi të gjitha si një detyrim shumë të madh ndaj dibranëve.
Me mirënjohje të thellë, angazhim të madh e përunjësi në detyrë, ne do të bëjmë çmos të jemi në lartësinë e nderit të posaçëm që na bëri Dibra, me besimin e paçmueshëm që na dha sot!
#Rilindje
🌹
#ShqipëriaeGjeneratësTjetër🇦🇱⭐️🇪🇺
#QentëLeTëLehinKarvaniDoEcëPërpara
👍
