Pak kohë më parë asaj ju komunikua ndërprerja e kontratës me televizionin “Top Channel”, ku ishte nën drejtimin e emicionit “Fiks Fare”.
Ndërsa këtë lajm nuk e priti aspak mirë, prezantuesja Fiori Dardha, nuk i kurseu as komentet ironike lidhur me drejtuesit e rinj, por edhe për përfundimin e bashkëpunimit.
Por Fiori nuk do të mungojë gjatë në ekran, ajo do të ketë një emision të sajin, në një televizion tjetër.
Këtë gjë e ka bërë të ditur paraditen e sotme në një postim të bërë në Facebook, ku shkruan, “Nëse do më shihnit sërish në ekran, për shembull në drejtimin e një show investigativ, cili mund të ishte titulli i formatit? Mua do më pëlqente një togfjalësh i thjeshtë, shqip dhe që mund të artikulohet lehtë nga të gjitha moshat. P.S: nuk pranohen sugjerime për tituj që përmbajnë emrin tim”.
Ajo kërkon sugjerime nga ndjekësit dhe miqtë e saj të cilët propozojnë tituj si, “Skutë, Realiteti Shqiptar, Reago, Mjaft më, Ndal pak, Sa mirë, Sa bukur, Pa filtër, Troç, Vorbull, Blic, Shigjeta, Mat, Kameleonët, Ferr, Kape mat, Demaskimi etj”.
Drejtimin e një emisioni të ri dhe ekranin ku do të shfaqet, ajo e parapriu ditën e djeshme teksa publikoi një fotografi nga ambientet e televizionit “Ora News”, ku shkroi “Sa i bukur qenka bërë Ora News”.
Noa.al/d.i.
