Banorët e fshatit Drenas në Fier janë ngritur këtë të mërkurë në protestë, duke bllokuar rrugën nacionale Fier-Seman.
Shkak për këtë protestë është bërë ndërtimi i gazsjellësit nga kompania private TAP, pasi është dëmtuar ky aks rrugor si rezultat i kalimit të mjeteve të rënda.
Kjo është hera e dytë që banorët janë ngritur në protestë, duke bllokuar këtë aks rrugor, i cili lidh mbi 40 fshatra me bregdetin e Semanit dhe qytetin antik të Apolonisë, shkruan shqiptarja.com. Banorëve iu është premtuar disa herë kthimi i këtij aksi në gjendjen e mëparshme, por deri më tani nuk është mbajtur premtimi.Mësohet se policia ka qenë e pranishme, por nuk ka ndërhyrë, ndërsa mjetet janë bllokuar nga të dyja anët e rrugës.
