Fidel Castro i la lamtumirën Partisë Komuniste të Kubës, duke iu thënë anëtarëve të saj se së shpejti do të vdesë, por ata duhet të bëjnë realitet ëndrrën e tij.
“Së shpejti do të mbush 90 vjeç”, tha Castro, i cili e ka ditërlindjen më 13 gusht. “Të gjithëve na vjen radha, por idealet e komunizmit kuban duhet të jetojnë”.
E ndërsa lideri historik i Kubës largohet nga partia, të tjerët janë të vendosur të vazhdojnë. Vëllai i tij, Raul Castro, President i Kubës, 84 vjeç, si dhe krahu i djathtë i Fidelit, José Ramón Machado Ventura, 85 vjeç, do të vazhdojnë të jenë në krye të partisë të paktën edhe për pesë vjet të tjerë.
Fidel Castro pranoi se jetëgjatësia e tij është vepër e fatit dhe jo e ndonjë regjimi të mbajtur në vite.
