Federata daneze: Tifozët shqiptarë vetëm në sektorët D1 dhe D2
Federata daneze e futbollit nuk do të lejojë tifozët shqiptarë që të ulen në të njëjtët sektorë me tifozët danezë, pavarësisht se i kanë paguar biletat.
Danezët kanë shprehur shqetësmin se gjatë ndeshjes që do të luhet me 4 shtator në Kopenhagen mund të ketë trazira mes tifozëve, nëse ata do të jenë në të njëjtët sektorë. Federata ka pranuar se ka shitur bileta për shqiptarët jashtë sektorëve D1 dhe D2.
Por tani kërkon që biletat të kthehen për të evituar rastet e mundshme të dhunës. Edhe në mbledhjen e fundit që përfaqësues të federatës daneze mbajtën me përfaqësues të tifozëve kuqezi nuk u gjet një marrëveshje.
Për tifozët shqiptarë, danezët kanë shpërndarë 2150 bileta. Tifozët shqiptarë që do të tentojnë të hyjnë në sektorë të tjerë veç D1 dhe D2 do të ndalohen nga policia.
