Kryeministri Edi Rama ka mbërritur në ambientet e Pallatit të Kongreseve ku ka nisur edhe punimet e fazës së dytë të Kongresit të PS.
Kongresi i Partisë Socialiste ka nisur punimet e tij duke nderuar me himnin e Ukrainës shtetin që po përballet prej mëse një muaji me pushtimin e egër rus. Fillimisht u luajt edhe himni kombëtar shqiptar.
Në këtë pjesë të dytë do të ketë diskutime politike. Konkretisht, kjo fazë ka të bëjë me punët e brendshme të partisë.
Fjalimet do të hapen nga Sekretari i Përgjithshëm, Damian Gjiknuri. Fjalën do të mbajë edhe kreu i gripit parlamentar, Taulant Balla. Ndërsa, sipas agjendës zyrtare kryeministri Edi Rama do të flasë përpara delegatëve socialistë rreth orës 13:00. Ky Kongres ka rikthyer edhe Ditmir Bushatin.
Sakaq, faza e parë e punimeve nisi në orën 09:30 të mëngjesit të sotëm. Pesë panele ishin vendosur në sheshin “Nënë Tereza”, ku ministra, deputetë dhe përfaqësues të PS zhvillua ndiskutime për disa çësjjtje.
g.kosovari
