“Dy persona hynë në farmaci e teksa burri ishte duke u shërbyer ilaçin që kërkuan, nisën ta gjuanin me grushta”. Bashkëshortja e farmacistit Ferdinand Xhoga rrëfen ngjarjen e rëndë, ndodhur mbrëmjen e ditës së martë në ambientet e farmacisë ku ai punon prej 23 vitesh. Si pasojë e plagëve të marra, profesionisti i shëndetësisë është dërguar me urgjencë në Spitalin Universitar të Traumës, ndërkohë që ka disa fraktura, shpretkën të dëmtuar dhe barkun të mbushur me gjak. Në këtë intervistë, dhënë për Gazetën Shqiptare, bashkëshortja e Xhogës tregon momentet e tmerrit, ndërsa bën apel për zbardhjen e ngjarjes.
Zonja Xhoga, a mund të na thoni çfarë ndodhi mbrëmjen e së martës?
Në vendin e punës i kanë vajtur 2 persona, i kanë kërkuar një medikament dhe në kohën që ka dashur t’u japë medikamentin, e kanë gjuajtur. Kjo është e gjithë historia.
Cila është gjendja shëndetësore e bashkëshortit tuaj aktualisht?
Fillimisht u morën me pjesën e fytyrës, ndërsa tani po i shikojnë pjesën e barkut. Ka fraktura, ndërsa mjekët na thanë që ka shpretkën të dëmtuar dhe barkun e ka të mbushur me gjak. Mjekët na thanë që do të presin në darkë për të parë situatën dhe nuk e dimë se ç’do të ndodhë.
BW
